Bakı. 5 mart. REPORT.AZ/ Rusiya Cənub Hərbi Dairəsinin artilleriya tağımları federasiyanın Ermənistandakı Alagəz təlim-məşq kompleksində təlimlərə başlayıb.
"Report" Ermənistan KİV-inə istinadən xəbər verir ki, bu haqda Cənub Hərbi Dairəsinin mətbuat xidməti məlumat yayıb. Xəbərdə bildirilib ki, tədbirdə 400-ə yaxın hərbçi iştirak edir.
Məlumata görə, martın sonunda başa çatacaq təlimlər iki min metrlik yüksəklikdə keçirilir.
Təlim zamanı topçuların taktiki, texniki, döyüş silahlarından istifadəsi ilə bağlı hazırlıqları yoxlanılacaq.