Ermənistanda altı nazir vəzifəsindən azad edilib

Bakı. 3 oktyabr. REPORT.AZ/ Ermənistan prezidenti Armen Sarkisyan "Daşnaksütün" və "Çiçəklənən Ermənistan" partiyalarını təmsil edən bir sıra nazirlərin vəzifələrindən azad edilmələri barədə fərmanlar imzalayıb.

“Report” xəbər verir ki, müvafiq qərarlar prezidentin saytında dərc olunub.

Prezidentin fərmanı ilə nəqliyyat, rabitə və informasiya texnologiyaları naziri Aşot Akopyan, idman və gənclərlə iş üzrə nazir Levon Vaqradyan, fövqəladə hallar naziri Qraçya Rostomyan, enerji infrastrukturları və təbii ehtiyatlar naziri Artur Qriqoryan, iqtisadi inkişaf və investisiyalar naziri Artsvik Minasyan və kənd təsərrüfatı naziri Artur Xaçatryan vəzifələrindən azad olunublar.