Bakı. 31 oktyabr. REPORT.AZ/ Ermənistanın xarici işlər naziri Edvard Nalbandyan İndoneziyaya işgüzar səfər edəcək.
"Report" Ermənistan KİV-inə istinadən xəbər verir ki, bu haqda ölkənin Xarici İşlər Nazirliyinin mətbuat xidməti məlumat yayıb.
Noyabrın 1-də gerçəkləşdiriləcək səfər çərçivəsində E.Nalbandyan İndoneziyanın icraedici və qanunverici orqanlarının təmsilçiləri ilə görüşəcək.
Məlumata görə, onun ASEAN-ın baş katibi ilə görüşü də planlaşdırılıb.