Bakı. 28 mart. REPORT.AZ/ Ermənistan xarici işlər naziri Edvard Nalbandyan martın 29-da Suriyadan olan qaçqınlara yardım üzrə yüksək səviyyəli görüşdə iştirak etmək məqsədilə İsveçrəyə gedəcək.
"Report" Ermənistan KİV-inə istinadən xəbər verir ki, bunu adıçəkilən ölkənin XİN-indən bildiriblər.
Görüş Cenevrədə keçiriləcək.
Martın 30-da isə xarici işlər naziri Ermənistan prezidenti Serj Sarqsyanın başçılıq etdiyi nümayəndə heyətinin tərkibində Nüvə Təhlükəsizliyi Sammitində iştirak etmək üçün Vaşinqtona səfər edəcək.