​Ermənistan tərəfi canlı qüvvə itkisi barədə növbəti bəyanatını yayıb

Bakı. 5 aprel. REPORT.AZ/ Ermənistanın Müdafiə Nazirliyi bazar ertəsi ölkənin növbəti itkiləri barədə məlumat yayıb.

"Report" erməni mətbuatına istinadən xəbər verir ki, Ermənistan Azərbaycanla qoşunların təmas xəttində gedən döyüşlər nəticəsində orduya köməyə gələn 7 könüllüsünü itirib.

Müdafiə Nazirliyinin mətbuat katibi Artsrun Ovannisyanın verdiyi məlumata görə, onları daşıyan avtobus raket zərbəsinə tuş gəlib. O, hadisənin təmas xəttinin şimal istiqamətində baş verdiyini bildirib.