Yuxarı

Ermənistan Rusiyanı Azərbaycana silah satışını dayandırmağa çağırıb

Abramyan: “Bizim xalq bundan böyük dərd çəkir”

Bakı. 9 Aprel. REPORT.AZ/ İrəvan Rusiyanın Azərbaycana silah tədarükünün davam etdirməsi qərarını düzgün hesab etmir.

“Report” xəbər verir ki, bunu Ermənistanın baş naziri Ovik Abramyan deyib.

"Əlbəttə, satmasaydılar yaxşı olardı. Lakin bu, onların işidir, onlar buna qərar verirlər. Biz strateji tərəfdaş kimi silahın azərbaycanlılara satılmamasına çağırmışıq və çağırırıq", - deyə O.Abraamyan jurnalistlərə bildirib.

"Biz həqiqətən buna çağırmışıq və bunu yaxşı bir şey hesab etmirik. Əlbəttə, bu bizim strateji tərəfdaşımızdır, onlar da heç vaxt bunu inkar etməyiblər, lakin yenə təkrar edirəm, bizim xalq Rusiyanın Azərbaycana silah satmasından, həqiqtən böyük dərd çəkir. Bu yaxşı deyil. Biz çağırış etdik, strateji müttəfiqin Azərbaycana silah satmasını düzgün hesab etmədiyimizi dedik", - deyə erməni baş nazir bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi