Ermənistan prezidenti Fransaya işgüzar səfər edəcək

Bakı. 20 yanvar. REPORT.AZ/ Ermənistan prezidenti Serj Sarqsyan yanvarın 22-24-də Fransaya işgüzar səfər edəcək.

"Report" Ermənistan KİV-inə istinadən xəbər verir ki, səfər çərçivəsində S.Sarqsyan yanvarın 22-23-də Fransa prezidenti Emmanuel Makron, Senatın rəhbəri Jerar Larşe, Milli Assambleyanın sədri Fransua de Rüji, eləcə də Fransa-Ermənistan parlament dostluq qrupunun üzvləri ilə görüşəcək.

Sarqsyan yanvarın 24-də Strasburqda Avropa Şurası Parlament Assambleyasının (AŞPA) qış sessiyasında iştirak edəcək. O, sessiyada çıxış edəcək və deputatların suallarını cavablandıracaq.