Yuxarı

Ermənistan polisi saxlanılan müxalifətçiyə işgəncə verib

Andreas Qukasyan dəyənəklə döyülüb

Bakı. 1 avqust. REPORT.AZ/ Ermənistan polisi Yerevanın Erebuni rayonunda polis bölməsini ələ keçirmiş silahlı qruplaşma ilə əlaqəsinin olması şübhəsiylə saxlanılan müxalifətçi Andreas Qukasyana işgəncə verib.

"Report" "Armİnfo"ya istinadən xəbər verir ki, müxalifətçiyə işgəncə verilməsi barədə məlumatı Antiböhran Şurasının üzvü Saro Saroyan verib.

Onun sözlərinə görə, polis dəyənəklə A.Qukasyanın dizini əzib, o, hərəkət etmək iqtidarında deyil. Antiböhran Şurasının üzvü qeyd edib ki, müxalifətçini heç tibb məntəqəsinə də keçirmirlər.

Məsələ ilə əlaqədar, A.Qukasyanı ziyarət etmək və onun tibb məntəqəsinə köçürülməsinə yardımçı olmaq xahişi ilə S.Saroyan "İrs" fraksiyasının rəhbəri Zarui Postancyana müraciət edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi