Yuxarı
    Bağlamaq

    Ermənistan parlamentinə yeni sədr seçilib

    Mayın 18-də yeni parlamentin ilk iclası keçirilib və toplantıda qanunverici orqanın rəhbərliyi formalaşdırılıb

    Bakı. 18 may. REPORT.AZ/ Ara Babloyan Ermənistan parlamentinin yeni sədri seçilib.

    “Report” Ermənistan KİV-inə istinadən xəbər verir ki, mayın 18-də yeni parlamentin ilk iclası keçirilib və toplantıda qanunverici orqanın rəhbərliyi formalaşdırılıb. 

    Səsvermədə 105 deputadan 100-ü iştirak edib. Onların 88-i Babloyana, 12-si isə onun “Çıxış” blokundan olan rəqibi Edmon Marukyana səs verib.  

    Məlumata görə, parlament sədrinin müavinləri mayın 19-da seçiləcək. Hakim Respublikaçılar Partiyası bu vəzifəyə Eduard Şarmazanov və keçmiş ədliyyə naziri Aspine Ovannisyanın, “Tsarukyan” bloku isə Mikael Melkumyanın namizədliyini irəli sürüb. “Çıxış” bloku da hakim partiyanın namizədlərinin əleyhinə səs verib, Mikael Melkumyanın namizədliyini müdafiə edəcəyinin bildirib. Yeni parlamentdə əvvəlki kimi 2 deyil, sədrin 3 müavini olacaq.

    Qeyd edək ki, Ara Babloyan hakim Respublikaçılar Partiyasından deputat seçilib. O, 1947-ci il mayın 7-də Yerevanda doğulub. İxtisasca həkimdir. Əvvəlki parlamentin səhiyyə, doğuş və uşaqlarla bağlı komissiyasının sədri olub.

    Xatırladaq ki, parlamentin əvvəlki sədri Qalust Saakyan idi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi