​Ermənistan parlamentinin sədri xəstəxanaya yerləşdirilib

Bakı. 18 fevral. REPORT.AZ/ Ötən gecə xəstəxanaya yerləşdirilən Ermənistan parlamentinin sədri Qalust Saakyan bu gün təkrar müayindən keçiriləcək.

"Report" Ermənistan KİV-inə istinadən xəbər verir ki, bu haqda xəstəxananın baş həkimi Karen Saakyan bildirib.

Onun sözlərinə görə, gecə Saakyanın səhhətində ağırlaşma müşahidə olunmayıb.

Qeyd edək ki, Saakyan ötən gecə yüksək arterial qan təzyiqi diaqnozu ilə xəstəxanaya yerləşdirilib.