Bakı. 3 iyun. REPORT.AZ/ Ermənistan Silahlı Qüvvələrinin Baş Qərargah rəisi general-polkovnik Yuri Xaçaturov xəstəxanaya yerləşdirilib.
"Report" Ermənistan KİV-inə istinadən xəbər verir ki, ölkə Müdafiə Nazirliyinin mətbuat katibi Artsrun Ovannisyan bildirib ki, Y.Xaçaturov cərrahiyyə əməliyyatı olunub.
O, Baş Qərargah rəisinin nədən əməliyyat olunduğunu söyləməyib.
Məlumata görə, Y.Xaçaturov Ermənistan Müdafiə Nazirliyinin hərbi hospitalında müalicəsini davam etdirir.
Qeyd edək ki, mayın 13-də Yerevanda keçirilən etiraz aksiyasında xarici işlər naziri Edvard Nalbandyan və müdafiə naziri Seyran Ohanyanla yanaşı, Yuri Xaçaturov və onun müavini Aykaz Baqmanyanın istefası tələb olunurdu.