Ermənistan Nazirlər Kabinetinin binasında yanğın olub

Bakı. 29 yanvar. REPORT.AZ/ Ermənistan Nazirlər Kabinetinin binasında yanğın baş verib.

“Report” Ermənistan KİV-inə istinadən xəbər verir ki, məlumatı ölkənin Fövqəladə Hallar Nazirliyinin mətbuat xidməti yayıb.

Hadisə yanvarın 29-da səhər saatlarında qeydə alınıb. Hadisə yerinə 6 yanğınsöndürən cəlb edilib. Yanğın 2 saat ərzində söndürülüb. Nəticədə qəbul otaqlarından birində mebel yanıb.

Hadisənin səbəbi araşdırılır.