Ermənistan Avropa Məhkəməsinə göndərilən şikayətlərin sayına görə birinci yerdədi

Bakı. 22 iyul. REPORT.AZ/ Ermənistan Avropa İnsan Hüquqları Məhkəməsinə göndərilən şikayətlərin sayına görə Avropa Şurasına üzv olan ölkələr arasında birinci yerdədi. 

"Report" Ermənistan KİV-inə istinadən xəbər verir ki, bu statistika əhalinin hər 100 min nəfərinə düşən şikayətlərin sayına görə aparılıb.  

Ermənistanın hüquq müdafiəçisi Vahe Qriqoryan bildirib ki, təqdim olunan statistik göstəricilər ermənilərin məhkəmə sisteminə inamsızlığının göstəricisidir.

Bununla belə, erməni hüquq müdafiəçisi statistik rəqəmləri geniş formada açıqlamayıb.