Yuxarı
    Bağlamaq

    ​İstanbuldakı sərgidə erməni vəhşilikləri ilə bağlı eksponatlar nümayiş etdirilir

    Sebilürreşad: Müsəlmanlar qul kimi işləyir, pullar isə ermənilərin cibinə axır

    Bakı. 19 yanvar. REPORT.AZ/ İstanbul valiliyi I Dünya müharibəsi illərinə və Osmanlı təəbəsi olmuş ermənilərin törətdikləri cinayətlərə həsr edilən sərgi keçirir.

    "Report"un məlumatına görə, 1908-ci ildə çıxan "Sebilürreşad" jurnalı da sərginin eksponatlarındadır. Jurnalın 281-ci sayında Əşrəf Ədib Fərqan və Mehmet Akif Ərsoyun ermənilərlə bağlı yazdıqları diqqqətçəkicidir.

    "Hər yerdə müsəlmanlar yoxsul və ac-yalavacdır. Bütün ticarət və sənaye sahələri ermənilərin əlindədir. Müsəlmanların torpaqları çox olsa da, məhsulu anbarlara ermənilər doldurur. Müsəlmanlar qul kimi işləyir, pullar isə ermənilərin cibinə axır", - həmin jurnalda Mehmet Akif Ərsoy vurğulayıb.

    Həmin illərdə ölkənin başqa bölgələrində, o cümlədən Ərzurumda ermənilərin törətdikləri vəhşiliklərə də sərgidə yer ayrılıb. "Tanın" nəşriyyəsinin 17 avqust 1915-ci il tarixli sayı ermənilərin Ərzurum sakinlərinin evlərinə etdikləri basqınlara, türkləri kütləvi şəkildə qətlə yetirmələrinə həsr olunub.

    Xatırladaq ki, 2014-cü il dekabrın 22-də Taksim Respublika İncənət Qalereyasında açılan sərgi 2015-ci il martın 29-dək davam edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi