Yuxarı

​Erməni deputat: "Türkiyə mallarından imtina ən axmaq qərar olar"

Qrant Baqratyan: Türkiyə mallarına sanksiya tətbiq edəndən sonra Rusiya öz vəziyyətini ağırlaşdırsa da, ən çox əziyyəti Ermənistan çəkir

Bakı. 30 aprel. REPORT.AZ/ "Türkiyədə istehsal olunan mallardan imtina haqda qərar qəbul etsək, bundan ən çox əziyyəti biz çəkəcəyik. Türkiyə istehsalçıları üçün biz az əhəmiyyət kəsb edirik. Biz Türkiyə büdcəsindən dolanırıq, o ölkənin mallarından imtina ən axmaq qərar olar".

"Report" Ermənistan KİV-inə istinadən xəbər verir ki, bunu parlamentin "Erməni Milli Konqresi" fraksiyasının üzvü Qrant Baqratyan ölkənin iqtisadiyyat naziri, "Daşnaksütyun" Partiyasının üzvü Artsvik Minasyanın Türkiyədə istehsal olunan malların idxalının məhdudlaşdırılması və ya qadağa qoyulması haqda çıxışına münasibət bildirərkən deyib.

"Hakimiyyət hay-küyçü vətənsevərliklə məşğul olursa, deməli, onun xalqa verməyə heç nəyi yoxdur. Bəzi məhsulları əvəzləmək mümkündür. Bu başqa məsələdir. Ümumiyyətlə, Rusiya Türkiyə mallarına sanksiya tətbiq edəndən sonra öz vəziyyətini ağırlaşdırsa da, ən çox əziyyəti Ermənistan çəkir", - deyə deputat Q.Baqratyan vurğulayıb.

Qeyd edək ki, 2010-cu ilin rəsmi məlumatına əsasən, Türkiyə ilə Ermənistan arasında ticarət dövriyyəsi 300 min dollar olub. 2015-ci ilin stistikasına görə, İranla Ermənistan arasında ticarət isə 340 milyon dollar təşkil edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi