Bakı. 24 avqust. REPORT.AZ/ Küveyt və Bəhreynin xarici işlər nazirlikləri vətəndaşlarını Livanı tərk eməyə çağırıblar.
"Report" "RİA Novosti"yə istinadən xəbər verir ki, körfəzdəki başqa ərəb ölkələri də təhlükəsizlik baxımından vətəndaşlarına Livanı tərk etməyi məsləhət görüb.
Qeyd edək ki, avqustun 23-də Livanın paytaxtı Beyrutda keçirilən etiraz aksiyası zamanı nümayişçilərlə polis arasında qarşıdurma olub. Aksiya nəticəsində bir etirazçı həyatını itirb, 40-ı isə yaralanaraq xəstəxanaya yerləşdirilib.
Aksiyaçılar hökumətin, o cümlədən daxili işlər naziri Nuxad Maşnuk və ekologiya naziri Məhəmməd Maşnukun istefasını tələb edirlər. Buna səbəb kimi zibilin daşınması və onun utilizasiyası ilə bağlı yaranmış problemin həll olunmaması göstərilir.