Ərdoğan yenidən Rusiyaya səfərə gedəcək

Bakı. 16 noyabr. REPORT.AZ/ Türkiyə Prezidenti Rəcəb Tayyib Ərdoğan yenidən Rusiyaya səfər edəcək.

“Report” "Haber7"yə istinadən xəbər verir ki, noyabrın 22-də Soçidə Suriya məsələsi ilə bağlı Türkiyə, Rusiya və İran prezidentlərinin üçtərəfli sammiti keçiriləcək. 

Toplantıda R.T.Ərdoğan, Rusiya rəhbəri Vladimir Putin və İran Prezidenti Həsən Ruhani iştirak edəcək. Onlar Suriyadakı hazırkı vəziyyəti və böhrandan çıxış yollarını müzakirə edəcəklər.

Qeyd edək ki, Türkiyə Prezidenti noyabrın 13-də Rusiyada səfərdə olub və Soçidə V.Putinlə görüşüb.