​Ərdoğan: "Türkiyə daxilində və xaricində 2 min terrorçu öldürülüb"

Bakı. 30 oktyabr. REPORT.AZ/ "Türkiyə Silahlı Qüvvələri tərəfindən aparılan son əməliyyatlar zamanı həm ölkə daxilində, həm onun hüdudlarından kənarda təqribən 2 min terrorçu məhv edilib. Və bu cür əməliyyatlar davam etdiriləcək".

"Report" xəbər verir ki, bu barədə cümə günü Türkiyə prezidenti Rəcəb Tayyib Ərdoğan yerli "AHaber" telekanalına açıqlamasında bildirib.

"Hazırda ölkənin hüdudları daxilində və xaricində 2 min terrorçu öldürülüb", — deyə Ərdoğan qeyd edib.