Ərdoğan: Təhdidlər Türkiyəni geri çəkilməyə məcbur edə bilməz

Bakı. 29 avqust. REPORT.AZ/ Türkiyə prezidenti Rəcəb Tayyib Ərdoğan təhdid və təzyiqlərin ölkəni geri çəkilməyə məcbur edə bilməyəcəyini bildirib.

“Report” "Anadolu"ya istinadən xəbər verir ki, dövlət başçısı ölkəni təhdidlərlə qorxutmağın mümkünsüz olduğunu deyib.

"Biz elə bir tarixin varisləriyik ki, bizi təhdidlərlə qorxutmaq mümkün deyil. Düşdüyümüz hazırkı vəziyyətdən minilliklərdir bütün sevinci, ağrı və acısı ilə bizim olan bu torpaqların daha möhkəm sahibləri kimi çıxmalıyıq", — deyə o söyləyib.