Ərdoğan Obamadan Fətullah Gülənin ekstradisiyasını istəyəcək

Bakı. 31 avqust. REPORT.AZ/ "Türkiyə prezidenti Rəcəb Tayyib Ərdoğan ABŞ prezidenti Barak Obama ilə Fətullah Gülənin ekstradisiyası məsələsini müzakirə edəcək".

"Report" "Reuters"ə istinadən xəbər verir ki, bu barədə Türkiyə prezidentinin təmsilçisi İbrahim Kalın bildirib.

Qeyd edək ki, sentyabrın 4-5-də Çində "Böyük-20"liyin ("G-20") zirvə toplantısı keçiriləcək. Həmin sammit çərçivəsində Rəcəb Tayyib Ərdoğanla Barak Obamanın görüşəcəyi gözlənilir.

Xatırladaq ki, Fətullah Gülən başçılıq etdiyi Fətullahçı terrorçu təşkilatı (FETÖ) iyulun 15-də Türkiyədə dövlət çevrilişinə cəhd edib. FETÖ lideri hazırda ABŞ-dadır.