Yuxarı

​Ərəb ölkələri Türkiyədən qoşunlarını dərhal İraqdan çıxarmağı tələb edib

Təşkilat quruma üzv dövlətlərin XİN rəhbərlərinin növbədənkənar iclasını keçirib

Bakı. 24 dekabr. REPORT.AZ/ Ərəb Dövlətləri Liqası (ƏDL) cümə axşamı Misirdə quruma üzv dövlətlərin xarici işlər nazirlərinin növbədənkənar görüşünü keçirib.

"Report" "Reuters"ə istinadən xəbər verir ki, danışıqların yekununda təşkilat Türkiyədən qoşunlarını dərhal İraqdan çıxarmağı tələb edib.

Bağdad ƏDL-dən iki həftə əvvəl bu məsələyə baxmağı xahiş edib. İraq hakimiyyəti, həmçinin BMT Təhlükəsizlik Şurasına rəsmi şikayət ünvanlayıb.

Xatırladaq ki, Türkiyə prezidenti Rəcəb Tayyib Ərdoğan bildirib ki, Türkiyə hərbçiləri İraq könüllülərinə terrorçularla mübarizə aparmaq üçün təlim keçir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi