Bakı. 31 mart. REPORT.AZ/ “Nəhayət, biz NATO-nun Avropa, xüsusilə onun şərqində Rusiyanın Ukraynaya və başqa yerlərə təcavüzü ilə bağlı mövqeyini müzakirə etmək istəyirik”.
“Report” RİA "Novosti”yə istinadən xəbər verir ki, bunu ABŞ-ın dövlət katibi Reks Tillerson Brüsseldə NATO-ya üzv dövlətlərin xarici işlər nazirlərinin toplantısından əvvəl jurnailstlər qarşısında çıxışı zamanı bildirib.
O, “Rusiyanın təcavüzünə” qarşı NATO-nun cavab tərdbirlərini müzakirə edəcəklərini söyləyib.
Reks Tillerson martın 31-də NATO-ya üzv dövlətlərin XİN başçılarının Brüsseldə keçiriləcək toplantısında iştirakdan məmnun olduğunun söyləyib.
Bu yığıncağın aprelin 5-6-da keçirilməsi planlaşdırılsa da, lakin Reks Tillersonun iştirakı üçün toplantı martın 31-ə təyin edilib.
Dövlət katibi terrorçu İŞİD qruplaşmasına qarşı mübarizədə, Yaxın Şərqdə sabitliyin yaranmasında NATO-nun iştirakının vacibliyini vurğulayıb.