Yuxarı

Dövlət Departamentin sözçüsü: "Suriyadakı savaş Rusiya şəhərlərinə keçə bilər"

Con Kirbi: Rusiya hərbçiləri tabutlarda vətənə dönər, ölkə bu müharibədə daha çox döyüş təyyarəsi itirər

Bakı. 29 sentyabr. REPORT.AZ/ "Suriyadakı mövcud vəziyyətdən radikal qüvvələr istifadə edə və Rusiya şəhərləri də hücuma məruz qala bilər".

"Report" "CNNTurk"ə istinadən xəbər verir ki, bunu ABŞ Dövlət Departamentinin sözçüsü Con Kirbi gündəlik mətbuat konfransında deyib. 

Diplomat qeyd edib ki, Suriyada daxili münaqişə davam edərsə, bu vəziyyətdən bəzi radikal qruplar istifadə edə bilər: "Bu savaş Suriya sərhədini aşaraq, Rusiya şəhərlərinə də keçə bilər".

Onun sözlərinə görə, Suriyadakı daxili savaşın davam etməsindən Rusiya hərbçiləri də zərər görər: "Rusiya hərbçiləri tabutlarda vətənə dönər, ölkə bu müharibədə daha çox döyüş təyyarəsi itirər".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi