Yuxarı
    Bağlamaq

    ​Donetskdə daş kömür şaxtasında qəza baş verib, ölən və yaralananlar var

    Reuters: Hadisə nəticəsində 30-dan çox şaxtaçı ölüb

    Bakı. 4 mart. REPORT.AZ/ Ukraynanın Donetsk vilayətindəki Zasyadko adına daş kömür şaxtasında baş verən partlayış nəticəsində ölən və yaralananlar var.

    "Report" "UNN"ə istinadən xəbər verir ki, qəza yerində 207 mədənçi olub.

    Ukrayna Şaxtaçıların Müstəqil Həmkarlar təşkilatının sədri Mixail Volınetsin sözlərinə görə, mədəndə metan qazı qarışığının partlayışı olub. O, 47 mədənçinin taleyindən xəbər olmadığını bildirib.

    "Reuters"in məlumatında isə bildirilib ki, ilkin məlumata əsasən, hadisə nəticəsində 30-dan çox şaxtaçı ölüb: "Şaxtadakı zəhərləyici qaza görə xilasedicilər ora girə bilmirlər".

    "İnterfaks"ın məlumatına görə, qəza nəticəsində bir nəfər ölüb, 5 nəfər xəsarət alıb: "Hazırda 47 şaxtaçı yerin altında, o cümlədən 33-ü qəzalı yerdədir". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi