Yuxarı

Dmitri Medvedev Əhməd Davudoğluna cavab verib

Rusiyanın baş naziri: Türkiyə hökuməti qəribə mövqedən çıxış edir

Bakı. 30 noyabr. REPORT.AZ/ "Türkiyə hökuməti qəribə mövqedən çıxış edir və onların verdikləri bəyanatların heç birinə ehtiyac yoxdur".

"Report" Türkiyə KİV-inə istinadən xəbər verir ki, bunu Rusiyanın baş naziri Dmitri Medvedev Türkiyə rəsmilərinin "üzr istəməyəcəyik" açıqlamasına münasibət bildirərkən deyib.

Baş nazir qeyd edib ki, Türkiyəyə qarşı tətbiq edilən özəl iqtisadi tədbirləri lazım olan dərəcədə genişləndirə bilərlər: "Bu, Rusiya deyil, Türkiyə iqtisadiyyatına təsir edəcək. Biz bu məsələdə praqmatik olacağıq".

Qeyd edək ki, Türkiyənin baş naziri Əhməd Davudoğlu ölkə sərhədlərini pozan Rusiya təyyarəsinin vurulması ilə bağlı üzr istəməyəcəklərini, ancaq bütün səviyyələrdə danışıqlara hazır olduqlarını bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi