Danimarka səfiri İran XİN-ə çağırılıb

Bakı. 31 oktyabr. REPORT.AZ/ Danimarkanın Tehrandakı səfiri İran Xarici İşlər Nazirliyinə (XİN) çağırılıb.

"Report" "RİA Novosti"yə istinadən xəbər verir ki, bu barədə İran XİN-in sözçüsü Bəhram Qasımi bildirib.

Qeyd edək ki, daha əvvəl Danimarkanın xarici işlər naziri Anders Samuelsen İran xüsusi xidmət orqanlarının ölkədəki qanunsuz fəaliyyəti haqqında yayılan məlumatlarla əlaqədar Danimarkanın Tehrandakı səfirinin geri çağırdığını söyləyib.