"Chanel"in baş direktoru soyğuna məruz qalıb

"Chanel" şirkətinin baş direktoru Jak Mari Daniel Şenen soyğuna məruz qalıb.

"Report" TASS-a istinadən xəbər verir ki, hadisə Moskvanın mərkəzində naməlum şəxs tərəfindən törədilib.

Rusiya DİN-in Moskva Baş İdarəsindən TASS-a bildiriblər ki, oğru Şenenin 103 900 rubl dəyərindəki "Apple iPhone" markalı telefonunu oğurladıqdan sonra "Apple Pay" tətbiqi vasitəsilə zərərçəkənin bank kartından 2 milyon rubldan çox vəsait çıxarıb.

Faktla bağlı cinayət işi başlanılıb.