Yuxarı

Cənubi Qazaxıstan vilayətinin adı dəyişdirilib

Cənubi Qazaxıstan vilayətinin adı dəyişdirilib
© kazembassy.lt — Qazaxıstan Prezidenti Nursultan Nazarbayev

Bakı. 20 iyun. REPORT.AZ/ Qazaxıstan Respublikasının Cənubi Qazaxıstan vilayətinin adı dəyişdirilib.

“Report” “TRTAvaz”a istinadən xəbər verir ki, ölkə Prezidenti Nursultan Nazarbayev vilayətin Türküstan adlandırılması haqqında fərman imzalayıb.

Fərmana əsasən, vilayətin mərkəzi Türküstan adlanacaq şəhərə köçürüləcək. 

“Türküstan vilayətini mərkəzi yüz illərdir Qazax Xanlığının və bütün Türk dünyasının, siyasi, mənəvi qəlbi olan Türküstan şəhəri olacaq”, - N.Nazarbayev vurğulayıb.

Qeyd edək ki, Cənubi Qazaxıstan vilayəti 1932-ci il martın 10-da yaradılıb. 1962-ci il mayın 3-dən 1992-ci il iyulun 6-dək bölgə Çimkənt adlanıb. 1992-ci ildən vilayət yenidən Cənubi Qazaxıstan adlanmağa başlayb. 2018-ci il iyunun 19-da Cənubi Qazaxıstan vilayətinin adı dəyişdirilib və Türküstan adlandırılıb.  

Onun mərkəzi Çımkənd şəhərinə isə böyük şəhər statusu verilib. Ölkənin keçmiş paytaxtı Almatı da bu vilayətin tərkibinə daxildir. Vilayətin ərazisi 116 min 95 kv.km olmaqla Qazaxıstanın ümumi sahəsinin 4,3 faizini təşkil edir. Əhalisinin sayı 8 milyon 408 min 63 nəfərdir. Qışı mülayim keçdiyindən vilayətdə pambıq, çəltik, taxıl, üzüm, meyvə, tərəvəz, tütün, çətənə becərirlər. Əlvan metallurgiya, maşınqayırma, kimya sənayesi, yüngül və qida sənayesi, balıqçılıq, meşə təsərrüfatı, heyvandarlıq sahələri də var. Türküstan da qazax, özbək, uyğur, koreyalı, rus, dunqan, tacik etnoslarının nümayəndələri yaşayırlar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi