Yuxarı
    Bağlamaq

    Bütün Gürcüstanın katalikos-patriarxının mühafizə xidmətinin rəisi istefa verib

    Soso Oxanaşvili bu vəzifədə 14 il işləyib

    Bakı. 27 fevral. REPORT.AZ/ Bütün Gürcüstanın katalikos-patriarxı II İlya mühafizə xidmətinin rəisi Soso Oxanaşvili istefa verib.

    “Report” Gürcüstan KİV-inə istinadən xəbər verir ki, o, bu vəzifədən könüllü istefa verdiyini bildirib.

    “Mən patriarxdan bu vəzifədən getməyim üçün xeyir-dua verməsini istədim. Biz bir az danışdıq. O razılaşdı və mənə xeyir-dua verdi. Mən də işdən çıxdım” - o vurğulayıb.

    Hələlik onu bu postda Zurab Buçukurinin əvəz etdiyi bildirilsə də, rəsmi təsdiq yoxdur.

    Soso Oxanaşvili bu vəzifədə 14 il çalışıb.

    Xatırladaq ki, Bütün Gürcüstanın katalikos-patriarxı II İlya fevralın əvvəlində Almaniyada cərrahiyyə əməliyyatı olundqudan sonra ötən həftə ölkəsinə qayıdıb. 

    Bu il fevralın 13-də Gürcüstan Patriarxlığı mülki işlər üzrə xidmət idarəsinin başçısı, Müqəddəs İoakim və Anna tibbi mərkəzinin direktoru Georgi Ata (Georgi Mamaladze) həbs edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi