Bu gün Moskvada Rusiya və Türkiyənin XİN başçıları arasında görüş olacaq

Bakı. 24 avqust. REPORT.AZ/ Bu gün Moskvada Rusiya və Türkiyənin xarici işlər nazirləri Sergey Lavrov ilə Mövlud Çavuşoğlu arasında  görüş keçiriləcək.

"Report" TASS-a istinadən xəbər verir ki, iki ölkənin xarici siyasət idarəsinin rəhbərləri əsasən 10 gün əvvəl Ankarada başladıqları danışıqları davamn etdirəcəklər.

Bundan başqa nazirlər Suriyanın İdlib bölgəsindəki vəziyyəti və suriyalı qaçqınların geri qaytarılmasını, qarşıdakı yüksək səviyyəli danışıqların gündəliyini, birgə enerji və milli valyutada qarşılıqlı hesablaşmalar da daxil olmaqla, iqtisadi layihələri nəzərdən keçirəcəklər.