Bu gün Brüsseldə "Şərq Tərəfdaşlığı" sammiti başlayır

Bakı. 24 noyabr. REPORT.AZ/ Brüsseldə "Şərq Tərəfdaşlığı" proqramı üzrə V sammit öz işinə başlayır.

“Report” xəbər verir ki, sammitdə Avropa İttifaqı Şurasının sədri Donald Tusk, Avropa Komissiyasının rəhbəri Jan-Klod Yunker, Avropa İttifaqının xarici siyasət məsələləri üzrə ali nümayəndəsi Federika Moqerini iştirak edəcək.

Bundan əlavə, tədbirdə iştirak etmək üçün Azərbaycan, Gürcüstan, Moldova, Ermənistan, və Ukrayna prezidentləri, həmçinin Belarusun xarici işlər naziri Brüsselə gəlib.

Avropa diplomatlarının iddiasına görə, sammiti 27 Aİ ölkəsi liderindən 20-si ziyarət edəcək.