​Britaniyalı diplomat: "İrana qarşı sanksiyaların ləğv edilməsinə dair prosedur gələn il başlaya bilər"

Bakı. 24 avqust. REPORT.AZ/ "Beynəlxalq ictimaiyyət İrana qarşı tətbiq olunan sanksiyaların ləğv edilməsinə dair proseduru 2016-cı ilin yazında başlaya bilər".

"Report" xarici KİV-ə istinadən xəbər verir ki, bunu Britaniyanın xarici işlər naziri Filip Hammond bildirib.

"Biz gələn ilin yazında İrana qarşı sanksiyaların ləğvinə başlanılmasından danışa bilərik", - o vurğulayıb.

Britaniyalı diplomat əlavə edib ki, İran iqtisadiyyatına xarici sərmayənin qoyulması ilə bağlı müzakirələrə isə sanksiyanın ləğvinədək başlamaq olar.

Qeyd edək ki, ötən gün Filip Hammond ölkəsinin Tehrandakı səfirliyinin açılışında iştirak edib.