Yuxarı
    Bağlamaq

    ​Boris Nemtsov dəfn olunub

    Boris Nemtsovla vida mərasimi Moskvada Saxarov mərkəzinin zalında keçirlib

    Bakı. 3 mart. REPORT.AZ/ Rusiya müxalifətinin liderlərindən olan Boris Nemtsovla vida mərasimi Moskvada Saxarov mərkəzinin zalında keçirlib.

    "Report" Rusiya KİV-inə istinadən xəbər verir ki, zaldakı tabutun önünə Rusiya prezidenti Vladimir Putinin adından da əklil qoyulub.

    Vida mərasiminə Boris Nemtsovun anası, övladları, silahdaşları, habelə Rusiya baş nazirinin müavini Arkadi Dvorkoviç, hökumət aparatının rəhbəri Sergey Prixodko, kənd təsərrüfatı naziri Nikolay Fyodrov, baş nazirin mətbuat katibi Natalya Timkova, Rusiyadakı xarici dövlətlərin diplomatik korpusunun rəhbərləri, habelə bir sıra dövlətlərin keçmiş və indiki hökumət başçıları da qatılıb.

    Boris Nemtsov Moskvada Troyekurov qəbiristanlığında dəfn olunub. Onun məzarı üstünə çoxlu sayda gül dəstələri, əklillər və Rusiyanın bayrağı qoyulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi