Yuxarı
    Bağlamaq

    Erməni deputat: "Biz millət kimi dərin quyunun içindəyik"

    Eqine Bişaryan: 2016-cı il arxaya doğru addım idi, hökumət ölkəyə nəfəs almaq imkanı vermək üçün 30-dan artıq kredit götürüb

    Bakı. 3 yanvar. REPORT.AZ/ "2016-cı il geriyə addım idi. Ermənistan hökuməti ölkəyə nəfəs almaq imkanı vermək üçün otuzdan artıq kredit götürüb"

    "Report" "News.am"a istinadən xəbər verir ki, bu fikirləri “Orinats yerkir” fraksiyasının sədri, "Erməni  intibahı" Partiyasının liderlərindən biri Eqina Bişariyan deyib.

    "Təbii ki, 2017-ci il bundan yaxşı olmayacaq, əksinə, bu ilə biz böyük yüklə daxil oluruq. Bu o deməkdir ki, bu il geriyə addım nöqteyi-nəzərindən ötən ildən də geri qalmayacaq" -  o qeyd edib. 

    E.Bişaryan xatırladıb ki, Ermənistan parlamentinin son iclasında büdcə kəsirini tamamlayacaq 180 mln. ABŞ dolları dəyərində üç kredit sazişinin layihələri qəbul edilib: "Biz millət olaraq dərin quyunun içindəyik. Ermənistan hökumətinin vədlərinə baxmayaraq, hər hansı bir ciddi dəyişikliyin baş verəcəyinə inanmıram. Mən bu vəziyyədən çıxış üçün heç bir zəmin görmürəm. Biz böyük məbləğdə kreditlər götürmüşük, bundan əlavə, xarici borcu ödəmək üçün ildə büdcədən 115 mlrd. ödəməli olacağıq". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi