Bakı. 22 oktyabr. REPORT.AZ/ Suriyadakı rejimin başçısı Bəşşar Əsəd Rusiyaya Türkiyə ərazisindən keçmədən gedib.
"Report" xəbər verir ki, bu haqda Türkiyə KİV-i məlumat yayıb.
Məlumata görə, B.Əsəd Moskvaya Rusiyaya məxsus təyyarə ilə uçub. Təyyarə Suriyadan İraqa, oradan İrana, sonra Xəzər dənizi-Gürcüstan marşrutu üzrə uçaraq, Moskvada enib.
Xəbərdə bildirilib ki, B.Əsədin uçuşunu "Flightradar24" da fotodakı kimi qeydə alınıb.
Qeyd edək ki, Bəşşar Əsəd 2011-ci ildən, ölkədə münaqişə başlayandan ilk dəfədir, xaricə səfər edib.