Bakı. 31 mart. REPORT.AZ/ Gürcüstan hüquq-mühafizə orqanının əməkdaşları Belçikada insan alverində ittiham olunan İran vətəndaşını Tbilisidə hava limanında tutublar.
“Report” Gürcüstan KİV-inə istinadən xəbər verir ki, bu barədə martın 31-də ölkənin Daxili İşlər Nazirliyi məlumat yayıb.
Xəbərdə bildirilib ki, o, Gürcüstana Tehrandan Tbilisiyə uçan təyyarə ilə gedib.
Məlumata görə, 1967-ci il təvəllüdlü adı çəkilməyən İran vətəndaşı barəsində Belçika Prokurorluğu 2015-ci ildə İnterpol xətti ilə beynəlxalq axtarış elan edib.