Bayram günləri Moskvada maşın dayanacaqları pulsuz olacaq

Bakı. 31 dekabr. REPORT.AZ/ Dekabrın 31-dən yanvarın 8-dək Moskvada şəhərin park məkanına daxil olan istənilən dayanacaqda maşın saxlamaq pulsuz olacaq.

“Report” xəbər verir ki, bu barədə Moskva meri Sergey Sobyanin öz "Twitter" mikrobloqunda yazıb.

"Bayram günləri parkinq pulsuz olacaq. Dekabrın 31-dən yanvarın 8-dək şəhərin park məkanı zonasına daxil olan istənilən dayanacaqda maşın saxlamaq mümkün olacaq", — deyə o bildirib.