“Baykonur” kosmodromundan oğurluq olub

Qazaxıstan ərazisində yerləşən Rusiyaya məxsus “Baykonur” kosmodromunda oğurluq hadisəsi baş verib.

“Report” “Gazeta.ru”ya istinadən xəbər verir ki, yük maşını ilə oğurluq əşyalarını ərazidən çıxaran Qazaxıstan vətəndaşı yaxınlıqdakı qəsəbəyə qaçaraq onu təqib edən polisə müqavimət göstərib.

Nəticədə iki polis xəsarət alaraq xəstəxanaya yerləşdirilib.

Rusiya İstintaq Komitəsinin Baykonur üzrə istintaq şöbəsində hadisə ilə bağlı cinayət işi başlanılıb.