Yuxarı

Bakı-Tiflis-Qars dəmiryolunun tikintisi başa çatır

Rəhmi Doğan: İlin sonunda test sürüşlərinə başlanılacaq

Bakı. 28 sentyabr. REPORT.AZ/ "Bakı-Tiflis-Qars dəmiryolunun inşası sona yaxınlaşır".

"Report" "Anadolu" agentliyinə istinadən xəbər verir ki, bu barədə Qars vilayətinin valisi Rəhmi Doğan jurnalistlərə məlumat verib.

O, bildirib ki, ilin sonunda test sürüşlərinə başlanılacaq.

Qars valisi qatar xəttində infrastruktur işlərinin sürətli davam etdiyini bildirib. Tarixi İpək Yolunun bu işlər nəticəsində əvvəlki missiyasını bərpa edəcəyini deyən Rəhmi Doğan qeyd edib ki, Bakı-Tiflis-Qars dəmiryolunun inşası başa çatmaq üzrədirt.

"Bakı-Tiflis-Qars dəmiryolunun ən əhəmiyyətli xüsusiyyəti Çindən Avropaya göndərilən bütün malların bu xətt üzərindən daşınmasından ibarət olacaq. Bununla da tarixi İpək Yolu dəmiryolu əlaqəsi ilə təmin ediləcək" – deyə vali bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi