Bakı. 19 yanvar. REPORT.AZ/ Beynəlxalq Atom Enerjisi Agentliyinin (BAEA) İdarə Heyəti İranın nüvə proqramı üzrə ekspertlərin yekun hesabatının geniş şəkildə dərc edilməsinə qərar verib.
"Report" "RİA Novosti"yə istinadən xəbər verir ki, Agentliyin bugünkü iclasında baş direktor Yukiya Amano beş səhifəlik sənədi təqdim edib. Bu sənəddə İranın nüvə proqramı üzrə həyata keçirdiyi öhdəliklər öz əksini tapıb.
Sənədə əsasən, indi İranda 3,67% zənginləşdirilmiş uranın miqdarı 300 kiloqramdan çox olmayacaq.