Yuxarı

Azərbaycanlı veteranlar Qələbə günü münasibətilə Sankt-Peterburqda keçiriləcək bayram tədbirlərinə qatılacaq

Ümumilikdə bayram tədbirində müxtəlif ölkələrdən 97 veteran iştirak edəcək

Bakı. 6 may. REPORT.AZ/ Azərbaycanın Böyük Vətən müharibəsi veteranları Qələbə gününün 71-ci ilini qeyd etmək üçün Sankt-Peterburqda keçiriləcək bayram tədbirlərinə qatılacaq.

"Report" "RİA Novosti"yə istinadən xəbər verir ki, ümumilikdə bayram tədbirində Avstriya, Azərbaycan, Ermənistan, Belarus, Almaniya, Gürcüstan, İsrail, Qazaxıstan, Qırğızıstan, Latviya, Litva, Moldova, ABŞ, Tacikistan, Türkmənistan, Özbəkistan, Ukrayna, Finlandiya, Fransa, Çexiya və Estoniyadan 97 veteran iştirak edəcək.

Mayın 9-da veteranlar Saray meydanında keçiriləcək Qələbə paradında iştirak edəcək. Axşam saatlarında isə onlar üçün təntənəli şam yeməyi və konsert proqramı təşkil olunacaq.

Veteranlar, həmçinin Leninqrad müdafiəçilərinə həsr olunmuş memoriala baş çəkəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi