Mixail Zabelin: "Azərbaycan xalqı əsrlərdir Rusiyaya dost münasibət bəsləyir"

Moskva. 14 sentyabr. REPORT.AZ/ "Dövlət və onun rəhbərliyi Azərbaycanda rus dili və mədəniyyətinin inkişafının təminatçısıdır".

"Report"un Rusiya bürosunun məlumatına görə, bunu Azərbaycandakı rus icmasının rəhbəri, Milli Məclisin deputatı Mixail Zabelin Moskvada keçirilən "Moskva-Bakı oxu: Qafqazın yeni geosiyasətinə doğru" konfransında deyib.

"Belə konfransın təşkilinə təşəbbüsün Rusiya tərəfindən gəlməsi çox vacibdir. Azərbaycan xalqı əsrlərdir Rusiyaya dost münasibət bəsləyir. Biz bunun canlı şahidləriyik. Biz ruslar Azərbaycanın tamhüquqlu vətəndaşlarıyıq".