Yuxarı
    Bağlamaq

    ​Avropa Komitəsi Ermənistan həbsxanalarındakı vəziyyətlə bağlı hesabat hazırlayıb

    Ötən il Komitə tərəfindən təklif olunan tövsiyələrin heç biri yerinə yetirilməyib

    Bakı. 27 yanvar. REPORT.AZ/ İşgəncənin və qeyri-insani, yaxud ləyaqəti alçaldan rəftar və ya cəzanın qarşısının alınması üzrə Avropa Komitəsi (İQAK) Ermənistana etdiyi iki səfərinin (aprel 2013, may 2014) nəticələrinə əsasən hesabat hazırlayıb. 

    Avropa Şurasının mətbuat xidmətindən "Report"a bildiriblər ki, hesabatda polis əməkdaşlarının məhbuslarla davranışında problemlərin mövcüd olduğu əksini tapıb. Komitə nümayəndələri məhbuslardan onlara qarşı sərt və kobud davranışla, həmçinin onlara fiziki və psixoloji təzyiq göstərilməsi ilə bağlı çoxlu sayda şikayətlərin olduğunu bildiriblər.

    Bundan başqa, Komitə üzvləri İrəvanda yerləşən Kentron həbsxanasında olduqdan sonra qeyd ediblər ki, ötən il Komitə tərəfindən təklif olunan tövsiyələrin heç biri yerinə yetirilməyib.

    Nümayəndə heyəti vurğulayıb ki, ömürlük cəzaya məhkum olunmuş iki məhbusu ziyarət edərkən onların təkadamlıq kamerada saxlanılması və kameradan kənarda heç bir fəaliyyətlə məşğul olmadığı da müəyyən olunub. Onların saxlanma şəraiti antihumanist və deqradasiyaya gətirib çıxaran hal kimi qiymətləndirilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi