Yuxarı
    Bağlamaq

    Avropa İttifaqının liderləri Türkiyə ilə bağlı məsələni müzakirə edəcəklər

    Angela Merkel: “Türkiyə Avropa Şurası Parlament Assambleyasının qərarını nəzərə almalıdır”

    Bakı. 27 aprel. REPORT.AZ/ “Avropa İttifaqına üzv ölkələrin dövlət başçılarının aprelin 29-da keçiriləcək zirvə toplantısında Türkiyə ilə bağlı məsələlər müzakirə olunacaq”.

    “Report” “Haber7”yə istinadən xəbər verir ki, bunu Almaniya kanselri Angel Merkel Bundestaqdakı çıxışında bildirib.

    Onun sözlərinə görə, aprelin 16-da keçirilən konstitusiya islahatı ilə bağlı referendum Avropa İtifaqı ilə Türkiyə arasındakı münasibətləri ciddi şəkildə mürəkkəbləşdirib: “Türkiyə Avropa Şurası Parlament Assambleyasının qərarını nəzərə almalıdır”.

    Qeyd edək ki, aprelin 25-də AŞPA-da “Türkiyədə demokratik təsisatların fəaliyyəti" adlı hesabat layihəsi müzakirə olunub. Parlament Assambleyasının Montorinq Komitəsi Türkiyənin yenidən montorinq altına alınması haqqında qərar qəbul edib. Bundan başqa Avropa Şurasının təmsilçilərinin də daxil olduğu ATƏT-in rmüşahidə edən qrupu aprelin 16-da keçirilən referendumun demokratik standartlara uyğun gəlmədiyi haqda bəyanat verib.

    Türkiyə rəsmiləri isə bu dəyərləndirməni və AŞPA-nın monitorinqlə bağlı qərarını qəbul etmədiklərini bildiriblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi