Yuxarı

Türkiyə XİN: “Avropa İttifaqının açıqlamasının bizim üçün heç bir dəyəri yoxdur”

Türkiyə XİN: “Avropa İttifaqının açıqlamasının bizim üçün heç bir dəyəri yoxdur”
Sənəddə Avropa İttifaqı rəsmilərinin Türkiyəyə qarşı edilən ədalətsizliyi görməmələri nəzərə çatdırılıb

Bakı. 14 mart. REPORT.AZ/ “Son günlərdə ölkəmizlə Avropa İttifaqının bəzi üzv dövlətlər arasında yaşananlara dair Avropa İttifaqının xarici işlər və təhlükəsizlik məsələləri üzrə ali təmsilçisi Federika Mogerini və qurumun qonşuluq və genişlənmə məsələləri üzrə məsulu Yohannes Hanın ötən gün verdikləri açıqlama təhrif edilib və yanlış dəyərləndirmədir”.

“Report” Türkiyə Xarici İşlər Nazirliyinin saytına istinadən xəbər verir ki, bu, nazirliyin Avropa İttifaqı rəsmilərinin Türkiyə-Hollandiya münasibətinə dair verdiyi bəyanata münasibətdə bildirilib.

Nazirlik bildirib ki, Avropa İttifaqı yaranmış vəziyyətə obyektiv qiymət verməkdənsə, Türkiyəyə qarşı radikal davranılacağını vurğulayıb.

Sənəddə Avropa İttifaqı rəsmilərinin Türkiyəyə qarşı edilən ədalətsizliyi görməmələri nəzərə çatdırılıb. Hollandiyanın beynəlxalq hüquq normalarını pozduğu qeyd edilib. Avropa İttifaqının Türkiyəyə qarşı əsassız ifadələri də nazirliyin bəyanatında yer alıb: “Bütün bu səbəblərə əsasən Avropa İttifaqının uzağı görməyən, bəsirətsiz açıqlamasının da ölkəmiz üçün heç bir dəyəri də yoxdur”.

Qeyd edək ki, ötən gün Avropa İttifaqı komissiyası Türkiyə və Hollandiya arasında yaranmış gərginliyi nəzərdə tutaraq bildirib: “Türkiyə və Avropa İttifaqına üzv bəzi ölkələr arasında son günlər yaşanan böhrandan sonra mövcud gərginliyi daha da yüksəldəcək açıqlamalardan çəkinmək və vəziyyətin sakitləşməsi üçün həll yolları tapmaq lazımdır. Problemli mövzular yalnız açıq və birbaşa dialoq yolu ilə həll edilə bilər”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi