Avropa İttifaqı Rusiyaya qarşı sanksiyaların müddətini uzatmaq qərarına gəlib

Bakı. 22 iyun. REPORT.AZ/ Avropa İttifaqına (Aİ) üzv ölkələrin liderləri Rusiyaya qarşı sanksiyaları uzatmaq qərarına gəliblər.

"Report" RİA "Novosti"yə istinadən xəbər verir ki, bu barədə Aİ-nin sədri Donald Tusk məlumat verib.

"Razılığa gəldik. Aİ Minsk sazişini kifayət qədər yerinə yetirməməsi səbəbindən Rusiyaya qarşı sanksiyaları uzadacaq", — deyə Tusk "Twitter"də yazıb.

Bundan əvvəl mətbuat üçün sammitlə bağlı dərc olunmuş materiallarda bildirilirdi ki, iqtisadi sanksiyaların uzadılması ilə bağlı rəsmi qərar Aİ dövlətləri rəhbərlərinin iyunun 23-də başa çatacaq sammitindən bir neçə gün sonra qəbul oluna bilər.