Bakı. 12 yanvar. REPORT.AZ/ Ermənistan tərəfi İrəvan ofisinin mandatının uzadılması ilə bağlı ATƏT ilə konsensus əldə edə bilməyib.
Bu barədə "Report" Ermənistan KİV-inə istinadən xəbər verir.
Yazılanlara əsasən, tərəflər arasında razılaşmanın olmaması nəticəsində ofisin fəaliyyətinin taleyi "havadan asılı" qalıb.
Qeyd edək ki, mövcud təcrübəyə əsasən, milli ofislərin fəaliyyəti üçün mandat ATƏT-ə üzv ölkələrin konsensusu əsasında hər il uzadılır.
Hələlik Ermənistan Xarici İşlər Nazirliyi məsələ ilə bağlı şərh verməyib.