Bakı. 2 may. REPORT.AZ/ Gürcüstanın müdafiəsi və təhlükəsizliyi məsələləri üzrə illik beynəlxalq konfransda ATƏT-in baş katibi Lamberto Zanyer və NATO baş katibinin Cənub Qafqaz və Mərkəzi Asiya ölkələri üzrə xüsusi nümayəndəsi Ceyms Appaturayın da iştirak edəcək.
"Report" TASS-a istinadən xəbər verir ki, bu haqda tədbirin təşkilatçıları bildirib.
Məlumata görə, konfrans mayın 24-25-də Gürcüstanda keçiriləcək.
Tədbirə hökumət rəsmiləri, deputatlarla yanaşı, 300-dən çox xarici qonaq qatılacaq.
Qeyd edək ki, konfrans ABŞ Atlantik Şurasının dəstəyi ilə Gürcüstanın Müdafiə Nazirliyi tərəfindən təşkil edilib.