​Antalyada qarın hündürlüyü 30 santimetrə çatıb

Bakı. 25 noyabr. REPORT.AZ/ Antalyanın Akseki rayonunda gecə yarısından başlayan qarın hündürlüyü 30 santimetrə çatıb. “Report” Türkiyə mətbuatına istinadən xəbər verir ki, gecə yarısı başlayan və səhər saatlarına qədər davam edən qar şəhər mərkəzinə də təsirsiz ötüşməyib. Nəqliyyatın hərəkətində çətinlik yaranıb.

Ankara və Konyanı birləşdirən Aksəki-Seydişəhər yolunda yerləşən Alacabel yaşayış məntəqəsində qarın çoxluğu səbəbindən TIR-lar yolda qalıb. Bu isə yolda hərəkəti məhdudlaşdırıb. Son məlumata görə, həmin yol tamamilə bağlanıb.