Bakı. 15 oktyabr. REPORT.AZ/ Türkiyə paytaxtı Ankarada dəmiryol vağzalında törədilən terrorla bağlı 11 şübhəli şəxs həbs edilib.
"Report" "Anadolu" agentliyinə istinadən xəbər verir ki, bu barədə Ankara Təhlükəsizlik İdarəsinin Terrorçuluğa qarşı Mübarizə Şöbəsindən bildirlib.
Məlumata görə, onlardan 3-ü "Twitter" sosial şəbəkəsində hadisədən öncə terrora dair mesaj paylaşdıqları üçün tutulublar.
Xəbərdə bildirlib ki, 8 nəfər isə partlayışın törədilməsində şübhəli bilinərək həbs ediliblər.